Zertarako dira Gizarte Zerbitzuak?

• Eskaintzen ditugun gizarte baliabideei buruzko informazio eta orientazioa emateko.
• Gizarte zerbitzu eta prestazioak jasotzeko eskubidea dutenei horiek eskuratzeko erraztasunak emateko.
• Arratian bizi diren eta oinarrizko beharrizanak (janaria, jantziak, ostatua eta oinarrizko ondasunak) ase ezin dituzten pertsonei laguntza eskaintzeko.
• Adinagatik, ezintasunen batengatik edo garapen soziala edo pertsonala bere osotasunean lortzea galarazten duen gaixotasun batengatik gizarte egoera zailak bizitzen ari diren pertsonei ahalik eta era autonomoenean bizitzen laguntzeko.
• Lana lortzeko zailtasun bereziak dituzten pertsonei gizarteratzen laguntzeko.
• Beste erakunde eta gizarte eragileekin batera lan eginez zailtasun egoeran dauden umeen ongizatea sustatu eta babesteko.
• Droga gehiegiren kontsumoa ekiditeko eta droga-menpekotasuna dutenei gizarteratzen laguntzeko.
• Udalerriko emakumezko eta gizonezkoen arteko aukera berdintasuna sustatzeko.
• Komunitateko arazo sozialei konponbidea aurkitzeko guztien konpromisoa bultzatzeko.