Oinarrizko Gizarte Zerbitzuek Gizarte Zerbitzu Publikoen Sistemako Oinarrizko Unitatea osatzen dute, eta herritar guztiek erabil ditzakete, diskriminaziorik gabe. Balio eta diziplina anitzeko ekintza-unitateak dira, eta honako hauek dituzte helburu:

  • Eskualdean eta probintzian dauden baliabideen berri ematea eta orientatzea.
  • Gizarte-laguntzak eta -zerbitzuak jasotzeko eskubidea dutenei horiek lortzeko bidea erraztea.
  • Gure eskualdean bizi diren eta oinarrizko beharrizanak (jatekoa, ostatua, etab.) asebetetzeke dituzten pertsonei laguntzea.
  • Adina edo minusbaliotasun fisiko edo psikikoren bat dela eta, erabateko garapen pertsonala eta soziala ez duten eta, hartara, egoera zailean bizi diren pertsonei laguntzea, ahalik eta autonomia gehien izan dezaten.
  • Lan-merkatuan sartzeko zailtasun bereziak dituzten pertsonei gizarteratzen laguntzea.
  • Beste erakunde eta gizarte-agente batzuekin batera lan egitea, egoera zailean bizi diren adingabeen eta nerabeen ongizatea sustatzeko eta babesteko.
  • Drogen neurriz kanpoko kontsumoari aurrea hartzea, eta kontsumo-arazoak dituzten pertsonen gizarteratzea laguntzea.
  • Gure eskualdeko emakumeen eta gizonen artean aukera-berdintasuna sustatzea.
  • Erkidegoko kideek erkidegoan dauden gizarte-arazoak konpontzen parte har dezaten sustatzea.

Hauxe da gure lehentasuna: eskualdeko auzokideek zer behar duten, horren inguruan zein gizarte-eskubide edo -baliabide eskura dezaketen haiei jakinaraztea.

INFORMATZEA, ORIENTATZEA ETA BALIOESTEA

Gizarte Zerbitzuen eta Laguntzen arloan sartzeko atea da.Edozein auzokide Udal Laguntza Zentro batera baldin badoa, hasieran, gizarte-langile batek lagunduko eta informazioa edo orientazioa emango dio. Ondoren, bere arazoa konpontzen saiatzeko beharrezko izapideak egiteari ekingo dio, edo, bestela, kasua beste zerbitzu batera bidaliko du.

Helburuak betetzea aldera, Gizarte Ekintza Sailean honako aditu hauek jarduten dute:

  • 2 gizarte-langile;
  • 2 administrari laguntzaile;
  • Droga-mendekotasunei aurrea hartzeko teknikari 1;
  • Haurrek eta nerabeek gizarte- eta heziketa-arloetan dituzten arazoetan esku hartzeko taldean:gizarte-hezitzaile bat (ingurune irekikoa) eta gizarte- eta familia-hezitzaile bat;
  • Gizarteratze-teknikari 1;

Unitate hori Arratiako Udalen Mankomunitatearen egoitzan dago, zehazki, honako helbide honetan:Elexalde kaleko 49. zenbakian (Igorre) Sartu mapa. Hala ere, gure gizarte- langileak astero zerbitzu ematera joaten dira gure eskualdeko udalerrietara.

Horretarako, honako ordutegi hauek zehaztuta daude udalerri bakoitzean:
Komeni da hitzordua aldez aurretik telefonoz eskatzea zenbaki honetan: 94 631 17 17
 

Arantzazu

94 6315689

Lunes 12:00-14:00 (Ales)

Areatza

94 6739010

Martes 12:00-15:00 (Patxi)

Artea

94 6739217

Lunes 09:00-12:00 (Ales)

Bedia

94 6314200

Viernes 12:00-15:00 (Ales)

Dima

94 6315725

Viernes 12:00-15:00 (Patxi)

Igorre

94 6311717

Lunes 08:00-15:00 (Patxi)
Jueves 08:00-15:00 (Patxi-Ales)

Lemoa

94 6313005

Martes 09:00-15:00 (Ales)

Ubide

94 5450322

Viernes 09:00-11:30 (Patxi)

Zeanuri

94 6739146

Miércoles 12:00-15:00 (Patxi)

 

 

 

Lan eremua

Kontaktua

Gizarte Akzio Saila

Arratiako Udalen Mankomunitatea
Elexalde kalea 49, Igorre
Telefonoa: 94 631 17 17

Informazio gehiago