Urkiolako Parke Naturala Aramotzeko mendilerroak osatzen du eta 5.768 hektareako azalera dauka. Parkeko puntu altuena 1.331 metrotara dago, Anboto mendiaren tontorrean. Gailur horretan bizi da Mari, euskal mitologiako sinbolo nagusia.

San Justoko Karobia Zeanuriko Ozerinmendi auzoan dago, Justo eta Pastor santuen omenez eraikitako baselizen ondoan, harizti handi batez inguraturik. Inguruko zelai zabal batean bisitarientzat mahai eta erretokiak daude.

Barazarko mendatetik hurbil, Atxuriko haitzen behealdean, Saldropoko hezegunea dago. Bertan Gorbeiako mendigunearen eta Urkiolako Parke Naturalaren ikuspegi bikainak begira ditzakegu.

Euskadiko Parke Natural handiena da. Gorbeiako Parke Naturala Araba eta Bizkaiako lurraldeetan kokatutako 20.000 hektareako inguru babestua da.

Baltzolako Kobak Diman daude. Lagun askok bisitatzen dituzte, batez ere eskalatzaileek; izan ere, asko baloratzen duten baliabide naturala da. Denborarekin, kobako galeria zaharra eraldatzen joan da higaduraren ondorioz, kobak arku natural itxura du.