Arratiako Udalen Mankomunitateak kontratatutako ingurumen begiraleak urtarrilaren
10ean hasi ziren gure eremuko herrietako dendak eta tabernak bisitatzen, zaborrak
bereiztu eta birziklatzeko ontzietara botatzen dituzten ikusteko eta birziklapena
hobetzeko aholkuak emateko. Guztira 400 komertzio inguru bisitatuko dituzte: denda
eta tabernekin hasi dira, gero erakunkeen txanda izango da (eskolak, udaletxeak,
kultur etxeak eta abar) eta azkenik enpresetan egingo dituzte bisitak.
Begiraleak binaka joaten dira eta galdera batzuk egiten dizkiete langileei zaborren
kudeaketaren inguruan. Birziklapena errazteko, pegatinak eta koloretako poltsak
banatzen dituzte, behar direnean.

Arratiako Udalen Mankomunitateak, zaborrak sailkatzeko hiru boltsadun 200 Kit
banatuko ditu webgunean esekita daukan inkesta erantzun dutenen artean. Etxean
plastikoa, beira eta papera bereizteko boltsak izango dituzte.
Inkesta paperean egiteko aukera ere egon da herriz herri egin diren kanpainetan.
Hauek ez zuten Kit-a eraman baina bai, zaborra bereizteko plastikozko boltsak.
Gainera, inkesta internet bidez betetzen zutenek, aukera zuten Arratia 21 Aldizkaria
etxean jasotzeko, baita, zabor organikoak biltzeko esperientzia proban parte hartzeko
aukera ere.

Organikoa biltzen hasteko proiektua
Bizkaiko Foru Aldundia aurten hasiko da bostgarren edukiontzia ipintzen. Ontzi honetan
zabor organiko begetala, eta gordina, soilik, bota daiteke. Mankomunitateak
boluntarioen berri izango du inkestaren bidez eta kontaktuan jarriko dira informazio
guztia emateko helburuarekin.